- 94 -
1428 (1. czerwca) Legnica, we wtorek po niedzieli Trójcy Świętej8. po Wielkanocy (dom. Trinitatis).
Sojusz Ślązaków z Sześcioma Okręgami i Miastami etc.
— Wir nachgeschreben etc. (bischof zu BreslauWrocław, Conrad herzog zu OelssOleśnica, manne und stete der fürstenthumer JauerJawor die sechslande und andere mehr) bekennen; das wir vorgenommen haben vnd eigentlichen betracht sulche grosse vnderdruckunge der cristenheyd vnd swehrunge des cristengloubens vnd sulche grosse grawsamen vnd unmenschliche morde vnd vorgissunge cristliches blutes, borne vnd rawbes vnd oberswencliche vorterbnisse deser lande, die die vordampten vnd vortumpten ketzer in desen landen begangen vnd leider gote dem almechtigen sey is geclait sulche grosse schmochheit vnd lesterunge, die sie an den bildern vnd czeichen seinir martir, seiner lieben muter vnd aller heiligen geton, vnd den heiligen sacramenten in den kirchen, der sie czu mole vil vorbrant vnd vorterbit haben, volbrocht habin, vnd wie wir in forder wedirstehen vnd vns in schutczunge wedir sie setczen vnd sulche schmochheit vnd lesterunge rechin mochtin, vnd dovmb so haben wir vns mit eintrechtigen rate vnsir eldisten vun raten, gote dem almechtigen zcu lobe, der cristenheit zcu troste, dem cristenblowbin zcu streckunge, vnsirm gnedigen hern dem romischen konige etc. zcu eren vnd vnsern landen vnd leuten vnd vns allen zcu fromen, nutcz vnd besten voreynet, vorwillet vnd vorbunden, voreynen, vorwillen vnd vorbinden in crafft deses brieffes unschedelichen vnd usgenomen den vorgenannten vnsern gnedigen hern dem konig, des wir enander getrulich helffen, beysteen, vnd ratin wellin vnd sullen bey trawen vnd eren vnd bey dem rechten cristenglowben mit leibe vnd mit gute vnd mit vnsir gantzen macht wedir die vordampter ketzer, alle ire helffer vnd beysteer vnd alle, die mit in gemeinschafft hettin oder habin wurden vnd en raten, beysteen vnd hulffe vnd forderung thun heimlich oder offenbar, mit worten oder mit wercken, durch sich, durch die iren oder durch andere von iren wegen, vnd auch ap ymands vnder vns in dem bunde begriffen oder die vnsern, die mit in frede ufgenomen hettin adir mit in einen frede treten würden, es weren manne, stete, dörffer adir gebawer, des wir auch also wedir die enander, also vorgeschrebin steht, helffen wellin vnd sullen, vnd auch also, do got der almechtige vor sey, ap die vorgenannten ketzir wedir in dese lande inczihen vnnd inbrechen welden, an welchen orte adir gegenet denne das were, so sal das der adir die, die do an demselbin orte allirneste gesessen were ader weren, ane sewmen den houptmann lassen wissen vnd zcu wissen thun, das der houptmann das denne vns allen vnd einen jeglichen besundern besenden mag vnd forder czu wissen thun, vnd das denne nach solcher vorbottunge des houptmanns wir alle vnd ein iczlicher besundern an allis sewmpnisse vnd ane alle hulffrede, also das sich auch keiner mit den andern nicht schützen soll noch hülfrede finden noch dirdencken bey trawen vnd eren, sundir mit ganczer macht uff sein sol zcu rosse vnd zcu fusse mit allirley gewer vnd handwercken, die her vnd die seinen gehabin mag vnd mogen, vnd dorczu mit wagen vnd uff den wagen büchssin, exte, hawen, schawffeln, grabescheite, landczuchtin (andirs ketten)Określenie to dotyczy łańcuchów brengen vnd also czcuczihen, dohin wir vnd ein iglicher besundern verbotet wurde von dem houptmann, is were durch seine brieffe adir botschaffte, vnd also dem houptmanne in dem zcoge, wes her zcu beginneh czu rate würde, genczlich vnd eyntrechtiglichen folgen, gehorsam vnd vndirtenig zcu sein, also einem houptmann vnde eldesten bey deser nochgeschrebin busse, also welcher des broch volfuren wurde, do got vor sey, is wer an fursten, mannen adir steten vnd iglicher besundern, die vnd den sullin wir alle obingeschrebin vnd in dem bunde benannt haben vnd haldin also ander ketczer vnd sich ane alle wedirsprechen zcu seyner ketczer vnd sich ane alle wedirsprechen zcu seyner adir zcu iren landen, steten, dörfern vnd alle dem seinen vnd den iren halden, vnd wir haben vndirwunden, wo man die ankomen kan, vnd domete thun vnd lassen volkomlich, also ap des reiches ochte dorobir gegangen were, vnd auch wen der houptmann kewset vo den fursten, manne, rete adir diner adir aws den landen, mannen vnd steten, das sie im dieselbigen zcu hülffe vnd zcu rate geben sullen. Alle vnd igliche vorgeschrebin sache, stucke, puncte vnd artickel, wie die oben benannt geschrebin vnd begriffen seint, glouben wir alle vnd ein iglicher besundern bey vnsem trawen vnd eren vnd bey dem rechten cristen glauben vnd den oben geschrebin bussen, die stete gancz feste vnd vnvorbrochlichen czcu haldin, zcu volfurn. — — —
Geben Liegnitz dienstags nach trinitatis. 1428.